कॉलेजमधली लायब्ररी
म्हणजे पुस्तकांची जत्रा
अज्ञानावर सापडते इथे
अचूक अशी मात्रा
कॉलेजमधील कॅन्टीन सारखी
फार नसते गर्दी
इथे येतात फक्त गर्दीतले दर्दी
परीक्षांच्या काळात मात्र
इथली गर्दी वाढते
पुस्तकांसोबत मग
मुलांची जत्रा भरते
अलिबाबाच्या गुहेसारखी
ही मला भासायची
हवे ते पुस्तक शोधण्यात
खूप मजा यायची
पुस्तकांवर रेखाटलेली चित्रकारी अन
हळू आवाजात मारलेल्या गप्पा
उलगडतात मनाचा हळुवार कप्पा
अशावेळी मन म्हणते
भूतकाळात रमावे,
पुन्हा एकदा पुस्तकांच्या जत्रेत
फेरफटका मारून यावे.
रजनी
No comments:
Post a Comment