अनामित संबंध त्यांचे लग्नानंतरही तिने जपले होते. दरवेळी माहेरी गेल्यावर एकदातरी त्याच्याशी हितगुज करायला ती जायची. तिच्या येण्याने तो ही प्रसन्न व्हायचा. पण ह्यावेळी त्याला भेटायला गेल्यावर तिला खूप दुःख झाले. ती सुन्न झाली कारण रस्ता रुंदीकरणासाठी त्याला मुळासकट तेथून उपटले होते.
सौ. रजनी भागवत✍️©®
13/6/22
शीर्षक- मित्र
वर्ण संख्या-9
*मित्र* रोज येतो गगनी
प्रकाशित करी धरणी
*मित्र* येता तो आयुष्यात
दिशा दाखवी या जीवनी
*गंध* मैत्रीचा दरवळे
बहरून जाई आयुष्य
*गंध* लावताच कपाळी
उजळून निघे आयुष्य
*हात* मैत्रीचा घेता हाती
उबदार ती साथ मिळे
*हात* असता त्या कार्यात
यश ही हमखास मिळे
*हवा* वाहे ती चोहीकडे
प्रसन्न मन होत असे
*हवा* मित्र तो आयुष्यात
सुखदुःखात साथ असे
मित्र- सूर्य
मित्र- मित्र, सखा
गंध- सुवास
गंध- टिळा
हात- कर
हात- सहभाग
हवा- वारा
हवा- पाहिजे
सौ. रजनी भागवत✍️©®
पाय तुझे सुकुमार
दुडूदुडू धावणार
मऊ मखमली स्पर्श
मनी माझ्या उरणार
बोट धरून आईचे
पाऊल तुझे टाकणे
रम्य तुझ्या आठवणी
माझे तुझ्यात गुंतणे
उड्या मारून धावणे
तुझे सदा सर्वकाळ
खेळासाठी तु तयार
तुझ्यासवे धावे काळ
शाळेतील कवायत
मित्रांसवे मौज मस्ती
नकळत होई मोठा
कसे दिवस धावती
बळ येणार तुझ्यात
आधार माझा होशील
शिक्षण घेऊन छान
वार्धक्यात जपशील
स्वप्न आहे बाळ माझे
यश किर्ती तुला लाभो
पांग फेडून या आईचे
समाधान तुला लाभो
सौ. रजनी भागवत.
13/6/22
माझं असं काही शोधू पाहते
विझलेल्या माझ्यातच मी
नवीन समीकरणे मांडू पहाते
जुन्याच सुत्रांवर अवलंबून मी
मांडताना वाटलं सोपं असेल सगळं
नव्याने गणित मांडलं तर उत्तर येईल वेगळं
पण उत्तर आले वेगळे तरी मला ते समजेल का
जुन्याच सूत्रात आता सर्व नव्याने बसेल का
मनाचा गुंता आणि आकड्यांच्या खेळ
माहीत नाही मी कसा साधणार यांचा मेळ
कारण साधसुध नाही हे गणित आहे वेगळं
उशिरा का होईना मला हे कळल
भावनेच्या सूत्रात सगळं नव्याने बसवून बघते
अन अवघड हे गणित आता सोडवून पाहते
रजनी✍️©®
12/10/21
विषय:
त्या आठवणींना हद्दपार करायचं होतं
पुन्हा एकदा त्यांच्यात अडकायच नव्हतं
चारोळी: सीमोल्लंघ
त्या आठवणींना हद्दपार करायचं होतं
पुन्हा एकदा त्यांच्यात अडकायच नव्हतं
म्हणूनच सीमोल्लंघन करायचं होतं
पण मनातल्या वेशीना मात्र मान्य नव्हत
रजनी✍️
13/10/21
चारोळी: माझं अडकण
मनातल्या वेशीना मान्य नव्हत
तुझ्या आठवणींनी हद्दपार होणं
पण राहिल्या असत्या त्या तर
ओघाने आलेच असत माझं अडकण
रजनी✍️
13/10/21
मुक्तछंद -अतिक्रमण
त्या आठवणींना हद्दपार करायचं होतं
ज्यांनी मनावर केलं होतं अतिक्रमण
अडकून त्यांच्यात अवघड
झालं होतं माझं जगणं
पण मनातल्या वेशीना मात्र मान्य नव्हतं
त्यांचं हद्दपार होणं
मग त्यांनीही चालू ठेवल
होत मला दिवसरात्र छळण
रजनी✍️
14/10/21
काय सांगू मंडळी
कसा चमत्कार झाला
अन अहों ना माझ्या
अचानक साक्षात्कार झाला
बायकोला ही मन असतं
याची आली बहुतेक प्रचिती
अन कशी काय अचानक
ही जादू घडली
लाडात येऊन अहो म्हणाले,
एका दिवसाच्या बर्थ डे पार्टीच
काय घेऊन बसली
आपण बर्थ डे वीक साजरा करू
मस्तपैकी बाहेरगावी नाहीतर
देवदर्शनाला जाऊ
पण त्या अगोदर बर्थ डे गिफ्ट म्हणून
छानश्या साड्या तुला घेऊ
पडत्या फळाची आज्ञा घेऊन
मी लिस्ट बनवली अन
भरगच्च कपाटात माझ्या
नवीन साड्यांसाठी कशीबशी जागा बनवली
दुसऱ्यादिवशी ह्यांच्यासोबत साड्या घ्यायला गेले
एकीकडे जॉर्जेट,शिफॉन,नारायण पेठ,अन इरकल
तर दुसरीकडे कांजीवरम,पाटलीपल्लू बरेच प्रकार घेऊन
शेवटी पैठणीवर डोळे खिळले........
आहोंची संमति मिळताच जवळजवळ तरंगतच
मी काउंटरवर गेले.........
आणि
.
.
.
.
.
.
.
.
.
.
अलार्मच्या आवाजाने डोळे माझे उघडले
पहाटेचे स्वप्न माझे आता होते सरले
आणि वाढदिवसाला पैठणी घ्यायचे स्वप्न
होते धुक्यासारखे विरले😔😔
🍁🍂🌿🍂🌿🍁🍂🌿🍁🍂🌿🍁🍂🌿
रजनी✍️
11/10/21
वेदनेला फुंकर असावी
मनाच्या अन देहाच्याही
फुंकर मिळताच वेदना मिटावी
मनाची अन देहाचीही
देहाची वेदना विसरता येते
पण मनाची विसरत नाही
वेदनेच्या त्या रात्री सरता सरत नाही
मनाच्या वेदनेवर फुंकर असावी
सख्या तुझ्या प्रेमळ मिठीची मग
मिठीत तुझ्या ती रात्र सरावी
अन प्रेमाची पहाट ही आता लवकर व्हावी
रजनी✍️©®
10/10/21
