तुझ्यात जीव रंगला

धकाधकीच्या या जीवनात माणसाची भौतिक गोष्टींमधील गुंतवणूक खूप वाढली आहे.त्याचे उत्तम उदाहरण म्हणजे मोबाईल .या मोबाईल मध्ये हल्ली बऱ्याच लोकांचा जीव गुंतलेला असतो त्यानिमित्ताने काही ओळी सुचल्या आहेत ,त्या इथे सादर करते.

तुझ्यात जीव रंगला
आणि तू माझ्या जवळ आला
माझ्या छोट्याश्या आयुष्याचा
मोठासा भाग झालास

नवी नवी दालने
तू माझ्यासाठी उघडलीस
माझी मात्र इकडे
धांदल उडाली

तुझ्या आगमनाने पुन्हा
मी मलाच शोधू लागले
नवीन रूप पाहून माझे
सर्वजण हरखले

एवढंस ते यंत्र
करतो नेहमी सोबत
तुझ्याशिवाय आता एक क्षणही
मुळीच नाही करमत

रजनी

कॉफी आणि बरंच काही(अलक कथा)

ती एक मनस्वी मुलगी होती. बाबांची खूप लाडकी पण समजूतदार अशी यंदा कर्तव्य असलेली,अशातच त्याच स्थळ आलं,तो देखणा,रुबाबदार आणि वेल सेटल.त्यामुळे नकार देण्याचे काहीच कारण नव्हते.मुलगी दाखवण्याचे सोपस्कार होऊन आठवड्यात लग्न पार पडलं.
         लग्नानंतर पहिल्यांदाच ती दोघे फिरायला गेलेे होते.  संकोच करत एकमेकांचा अंदाज घेत ती दोघे एकमेकांसोबत वेळ घालवत होती.पाऊस नव्हता पण हवेत किंचित गारवा जाणवत होता.वातावरण ही छान होते,तेवढ्यात रोड च्या पलीकडे एक  कॅफे तिला दिसले आणि तिला कॉफी पिण्याची खूप इच्छा झाली.ती क्षणभर थांबली ,पण तो सोबत आहे हे लक्षात येताच पुन्हा चालू लागली.
           इतक्या कमी दिवसांच्या सहवासात एक गोष्ट तिच्या लक्षात आली होती की ,वेळीअवेळी खाणेपिणे तो कटाक्षाने
टाळतो डाएट च्या बाबतीत तर तो खूप जागरूक आहे.त्यामुळे कॉफी चा विचार झटकून ती बाईक वर बसली.हिचे रेंगाळणे त्याच्या नजरेतून सुटले नव्हते.त्याने बाईक सुरू केली आणि यु टर्न घेतला.
            काही क्षणात बाईक त्या कॅफे समोर उभी केली.बाईक पार्क करून तो तिच्याजवळ आला आणि अगदी रोमँटिक होत ,तिचा हात हातात घेऊन तिला कॅफे मध्ये घेऊन गेला.ती मनोमन खूप सुुखावली आणि त्या पहिल्या कॉफी डेट नंतर  त्यांची लव्ह स्टोरी सुरू झाली.

रजनी
     

लग्नाची गोष्ट

लग्नाची गोष्ट नसते
सर्वांची सारखी
काहींची रहाते गोष्ट
तर काही लोकांची होते कहाणी

गोष्ट असते रंजक
काल्पनिक विश्वातली
पण कहाणी मात्र असते
खरी वास्तवातली

गोष्टीचा शेवट खूप वेळा
छानच असतो
पण कहाणी मात्र
सुफळ संपूर्ण करावी लागते

रजनी

एका निवांत क्षणी

एका निवांत क्षणी
होते आठवणींची गर्दी
स्वतः विसरून मी मग
लाविते  तिथे वर्णी

एका क्षणात मोहळ उठतो
मनी जपलेल्या आठवांचा
जगलेल्या त्या क्षणांचा
अन सरलेल्या त्या वर्षांचा

अश्याच एका  निवांत क्षणी
मन आईपाशी जाते
सुरकूतलेली काया आठवून
अश्रू नयनी  दाटे

वरून कडक नारळ
आत गोड गोड पाणी
अश्या माझ्या बाबांच्या
स्मृती दा टून येती मनी

अश्याच निवांत क्षणी
मन माहेराशी जाते
छोट्या छोट्या गोष्टी
आठवून मन माझे मोहरते

अश्याच निवांत क्षणी आठवे
अंगणातली भातुकली
मायेची ती भावंडे
अन जमलेले सवंगडी

अश्याच एका निवांत क्षणावर
भूतकाळाच्या त्या उमटे खुणा
क्षणात हासू, क्षणात आसू
मग दा टुनी येती डोळा.

रजनी

एक निवांत क्षण

आज प्रथमच हायकू लिहिण्याचा प्रयत्न करीत आहे.

एक निवांत दुपार
हातात आवडते पुस्तक
ना दारावर टकटक

एक निवांत दुपार
टीव्हीवर आवडता चित्रपट
ना मुलांची वटवट

एक रम्य संध्याकाळ
अथांग समुद्रकिनारा
तुझ्या आठवणींचा पसारा

रजनी

यश आणि अपयश

यश आणि अपयश एकत्र नांदतात
जणू एकाच आईची लेकरं वाटतात

हिंदी चित्रपटासारखं एक असतं सुखी
अन  दुसरं असत नेहमीचं दुःखी

यश चढतो शिखरांवर तर
अपयश पहिल्या पायरीवर

यश आणि अपयश यांची चाले जुगलबंदी
प्रयत्न नावाचा त्यांना मिळाला सवंगडी

यश आणि अपयश खेळतात लपंडाव
परि दोघांशिवाय अपूर्ण आहे हा जीवनाचा डाव

रजनी

मैत्री

नोबीता आणि डोरेमॉनची
मैत्री आहे सुंदर

नोबिता आहे खोडकर तर
डोरेमॉन आहे रोबोट कलंदर

डोरेमॉन खातो डोरा केक
तर नोबिता घेतो डुलकी एक

डोरेमॉनच्या पोटावर जादूची पोतडी
एका मागून एक गॅजेट्स ला नाही गणती

नोबिता ची मस्ती संपता संपेना
डोरेमॉन शिवाय त्याचे पानही हलेना

रोबोट आणि माणसाची दोस्ती खूपच न्यारी

त्यांची ही दोस्ती आहे बच्चेकंपनीला प्यारी

रजनी

लव्ह यु जिंदगी

टँह्या टँह्या करत,माणूस जन्मां येतो
नवजात शिशु ते जख्ख वृद्धत्व
त्याचा प्रवास चालतो

एकाच या आयुष्यात,खूप नाती जोडतो
प्रत्येक वेळी नात्यातील,
नवीन रंग पाहतो

निरागस बालक सर्वांवर प्रेम करतो
तर तोच वृद्ध प्रेमासाठी तरसतो
जिंदगीच्या चक्रात तो
असाच गुंतून पडतो

एकच तर आहे जिंदगी
चल थोडे जगून घेऊ
आयुष्यातल्या दुनियादारीत
मोकळा श्वास शोधत राहू

रजनी

ती

ती आली ती आली
कुजबुज झाली कानी
गळून पडली कात अन
मोहक झाली कांती

ती आली वस्तीला
तुझ्या ग देहांत
घरदार रंगले सारे
तिच्या आगमन सोहळ्यात

आगमनाने तिच्या
आयुष्य तुझे बदलले
जबाबदारी ने वागणे
हे तिनेच तुला शिकविले

चार दिवस येते भेटीला
रुटीन डिस्टर्ब करते
आरामाचे महत्त्व हे
मात्र तिच्यामुळे कळते

आगमनाने तिच्या
झालीस तू परिपूर्ण
अन स्त्रीत्व तुझ्यात
झिरपले संपूर्ण

रजनी

तुझं निष्पाप असणं

तुझं निष्पाप असणं
मला खूप भावतं
आणि हे निरागस हसणं
मनाला भुरळ घालतं

तुझ्या हसण्याने उजळून
गेलाय माझ्या घराचा प्रत्येक कोपरा
अन आनंदाने भरून गेलाय
माझ्या मनाचा गाभारा

तुझ्याशिवाय माझे असणे
भासे मला व्यर्थ
तुझ्या अस्तित्वाने आलाय
माझ्या जीवनाला नवीन अर्थ

छोटसं माझं पिलू आणि
छोटीशी माझी परी
तुमच्यासोबतच आहे खरं
जगण्यातील गंमत न्यारी

रजनी

ऑफिस मधलं प्रेम

ऑफिस मध्ये आमच्या
काम  कमी आणि लफडीच फार
आणि काय सांगू राव
फाईलींच्या ढिगाखाली मी मात्र बेजार😣

ह्यांचे कसे जुळते लगेच प्रेम
ह्याचं मला पडतं कोडं🤔
तरीही बॉस मलाच
बोलतो काम कर पुढे बघून थोडं😏

मी म्हणालो हे असे
किती दिवस चालणार
आपल्याला का कुणी
कधीच नाही पटणार🙄

इयर एन्ड जवळ आला
सुरू झाली नवीन भरती
आशेवर मग मन ही डोले
त्या नाजूक प्रेमलहरींवरती🤗

अशातच ती परी
नवीन रुजू झाली
माझ्यासकट सर्व भ्रमरे
तिच्या भोवती गुंजारावली😚

सर्वाना सोडून ती
माझ्याशी हसली😍😍
आणि जवळ येऊन माझ्या
कानांशी कुजबुजली.....🤗🤗

पिंट्या मेल्या ऊठ ऑफिसला
जायला उशीर होतोय😂😂

रजनी

तुझे आणि माझे नाते

तुझे आणि माझे नाते

तुझे आणि माझे नाते

शब्दांच्या पलीकडले

भावनांनी ओथंबलेले

जाणिवांनी मोहरलेले

तूझे आणि माझे नाते

काही व्यक्त अन काहीसे अव्यक्त

परि ह्यात गुंतूनही

आपण आहोत अगदी मुक्त

तुझे आणि माझे नाते

काही क्लिअर अन काहीसे धूसर

परि खळखळून वाहे इथे

आपल्या प्रीतीचा सागर

तुझे आणि माझे नाते

कधी गोड तर कधी कटू

कटू क्षणांना विसरून जावू

अन नाते आपुले सदैव फुलवू

रजनी

वाट पहाणं

ठरवलं होतं आयुष्यात
गुंतायचे नाही कुणात

नको ते वाट पाहणं
नको ते जीव लावणं

तुझ्या एका भेटीसाठी
तीळ तीळ झुरणं

पण ठरवल्याप्रमाणे
गोष्टी कश्या घडणार

जीव जडला तुझ्यावर
त्या एका क्षणांत

आता वाटतं,बरं झालं तो क्षण
नाही दवडला
पुढील सर्व सुखद क्षणांचा
बेस नाही हरवला

आता आहे तीळ तीळ झुरणं नि
जीव लावणं पण
हवंहवंसं वाटतंय वाट पाहणं

रजनी

व्हाट्स अँप की आपबिती

व्हाट्स अँप की आपबिती

व्हाट्स अँप बनाने वाले क्या तेरे मन मे सामाया

तुने काहे को व्हाट्स अँप बनाया।।

व्हाट्स अँप पे तुमने ढेंरो ग्रुप बनाये

लंबी-लंबी फ्रेइंड लिस्ट बनाई।।

बिछडों को भी तुने इसमें मिलाया

पर अपनों की ही तुने दूर कराया।।1।।

व्हाट्स अँप बनाने वाले क्या तेरे मन मे सामाया

तुने काहे को व्हाट्स अँप बनाया।।

व्हाट्स अँप से देखों कैसी नौबत है आयी

घर -घर में बस अब चॅटींग है छाई

एक ओर बाबा तो एक ओर माई।।2।।

व्हाट्स अँप बनाने वाले क्या तेरे मन मे सामाया

तुने काहे को व्हाट्स अँप बनाया।।

रजनी

Thank you.

कॉलेजमधली लायब्ररी

कॉलेजमधली लायब्ररी

म्हणजे पुस्तकांची जत्रा

अज्ञानावर सापडते इथे

अचूक अशी मात्रा

कॉलेजमधील कॅन्टीन सारखी 

फार नसते गर्दी 

इथे येतात फक्त गर्दीतले दर्दी

परीक्षांच्या काळात मात्र

इथली गर्दी वाढते

पुस्तकांसोबत मग

मुलांची जत्रा भरते

अलिबाबाच्या गुहेसारखी

ही मला भासायची

हवे ते पुस्तक शोधण्यात 

खूप मजा यायची

पुस्तकांवर रेखाटलेली चित्रकारी अन

हळू आवाजात मारलेल्या गप्पा

उलगडतात मनाचा हळुवार कप्पा

अशावेळी मन म्हणते

भूतकाळात रमावे,

पुन्हा एकदा पुस्तकांच्या जत्रेत 

फेरफटका मारून यावे.

रजनी

आरती गणपतीची(वर्ष-२०२०)

जय देव जय देव जय मंगलमूर्ती

करोना हा आता जाईल कधी

जय देव जय देव।।धृ।।

मामाचे घर यंदा दूरवर राहिले

आजीलाही फक्त नेटवर पहिले

आजीची माया ही आठवावी किती

जय देव जय देव जय...... ।।1।।

शाळा झाली बंद,खेळ ही बंद

सांग रे बाप्पा जोपासू किती मी छंद

जय देव जय देव जय....।।2।।

पार्क झाले बंद, झोकेही थांबले

खरंच रे बाप्पा आता मुलं कंटाळले

जय देव जय देव जय ........।।3।।

नको ती खेळणी नि महागड्या गाड्या

मित्र आणि आप्त  सांग येती केव्हा भेटाया

जय देव जय देव जय ........।।4।।

झाले मॉल बंद सेल ना लागले

महिलांचे मग धाबे दणाणले

जय देव जय देव जय ........।।5।।

नको ऐषोआराम नि थाटमाट खास

करोना भोवती आवळ रे पाश

जय देव जय देव जय ........।।6।।

तुझ्या आगमनाची लागलीये आस

करोना जाण्याचा घेतलाय  ध्यास

जय देव जय देव जय ........।।7।।

लाडू  नि मोदक ठेवितो प्रसादा

धाव पाव रे गणराया धाव धाव आता

जय देव जय देव जय ........।।8।।

रजनी

पहिली भेट

पहिली भेट आपलीच आपल्याशी
घडावीशी वाटते अगदी सहज

त्यासाठी परि करावे लागते
आपल्याच मनाशी गोड हितगुज

मनाचा हा व्यापार विश्वाहुनी मोठा
विचारांच्या वळणांना इथे नसे तोटा

इथे उडतो गोंधळ स्वतः ला शोधताना
इतरांच्या कसोटीवर स्वतःला जोखताना

अश्याच एका वळणावर भेटले मी मला
मुक्त,स्वछंद,भेट स्वतःची स्वतः शी अनुभवताना

रजनी

पहिला पाऊस

आले दाटुनि ढग नभी

वारा ही सुटे बेभान

स्मरे पाऊस पहिला

अशा हळव्या क्षणांत

पहिल्या पावसात त्या

एका छत्रीची सोबत

काही पाऊले चाललो

जणू चाललो खूप वर्ष

एका छत्रीत त्या श्वास 

चाले मंद मंद , अन

सोबतीला होता ओल्या

मातीचा सुगंध

ओल्या सरी,खट्याळ वारा

धुंद करिसी तन मना

होई स्पर्श ओझरता

हवाहवासा अन अवघडलेला

पहिल्या पाऊसाची त्या

गोडी भलतीच न्यारी

येता आठव तयाचा

रोम रोम येते शहारु नी

रजनी

कविता- लॉकडाऊन मधील भांड्यांचे मनोगत

जेवणानंतर अक्षयपत्रात(बेसिन)जमलेल्या भांडयानी केला एकच गलका.....

थोडीशी थकून मी म्हणाले घेऊ द्या मला जरासा डुलका.

माझे म्हणणे ऐकून त्यांना आले खदखदून हसू

भांडी म्हणाली जा ग बाई जा तुझ्या कामाचा पाढा आमच्यापुढं नको वाचूस.

म्हातारीच्या गोष्टीप्रमाणे मी मात्र पुटपुटले ,डुलका घेते, फ्रेश होतें, नंतर चहाची भांडी वाढवून तुम्हा सगळ्यांचा समाचार घेते.

ताट -वाटी, कप-बशी आणि इतर पात्रांनी केली कुजबुज,जावू द्या रे तिला आपण करू आपले हितगुज.

एरव्ही एवढ्या संख्येने आपण तरी केव्हा भेटणार

कप-बशी,ताट-वाटी,चमचेच काय ते नळाखाली विहार करणार.

आताशा आपल्याला जरा अच्छे दिन आलेत,

ठेवणीतल्या भांडयानाही वारंवार पाण्याचे दर्शन झाले.

खमंग आणि रुचकर पदार्थांनी सर्व पात्रे सुखावले,

माणसांचे माहीत नाही पण लॉकडाऊन चे असे हे फायदे आम्हा भांड्यांच्या नशिबी आले.

रजनी

कविता -आयुष्याचा ताळेबंद

असेच एकदा बसल्या बसल्या

विचार आला मनी,

मनुष्यजन्माच्या प्रवासाची करू

गोळाबेरीज या क्षणी..

बेरीज ,वजाबाकी,गुणाकार नी भागाकार

यांचा ताळेबंद मला काही  लागेना,

आणि आयुष्याचे गणित माझ्या 

काहीकेल्या सुटेना...

बेरीज म्हणजे अधिक

तर वजा म्हणजे उणे,

अधिक क्षणां पेक्षा जास्त

उण्यानेच भरले माझे रकाने......

सुखाचा गुणाकार जमेना

आणि दुःखाचा भागाकार येईना,

आणखी काय सांगू मैत्रिणींनो

आयुष्याचे गणित माझे,

मला काही उमजेना

मला काही उमजेना........ 

रजनी