कविता -आयुष्याचा ताळेबंद

असेच एकदा बसल्या बसल्या

विचार आला मनी,

मनुष्यजन्माच्या प्रवासाची करू

गोळाबेरीज या क्षणी..

बेरीज ,वजाबाकी,गुणाकार नी भागाकार

यांचा ताळेबंद मला काही  लागेना,

आणि आयुष्याचे गणित माझ्या 

काहीकेल्या सुटेना...

बेरीज म्हणजे अधिक

तर वजा म्हणजे उणे,

अधिक क्षणां पेक्षा जास्त

उण्यानेच भरले माझे रकाने......

सुखाचा गुणाकार जमेना

आणि दुःखाचा भागाकार येईना,

आणखी काय सांगू मैत्रिणींनो

आयुष्याचे गणित माझे,

मला काही उमजेना

मला काही उमजेना........ 

रजनी