गोडवा

                                                            

                                         तुझं माझं नात

मंगळसूत्राने जोडलेलं

नवरा बायकोपेक्षाही

मित्र म्हणून स्वीकारलेलं

तुला माझी अन मला तुझी

सवय झाली आहे इतकी

दुधात साखर सहज

विरघळले जितकी

मिश्रणाच्या या गोडव्याचा

नैवेद्य चालतो देवाला

तसाच गोडवा देऊया

आपण आपल्या संसाराला

रजनी✍️

30/09/21

शेलचारोळी

अलीकडेच चारोळीचा हा नवीन प्रकार माझ्या वाचनात आला प्रतिलिपिवरील माझे जेष्ठ बंधू श्री. चंद्रकांत येवला यांच्याकडून मार्गदर्शन घेऊन मी या चारोळ्या रचल्या आहेत.

या प्रकारच्या चारोळीमध्ये प्रत्येक ओळीतील अक्षरसंख्या सारखी असते .तसेच दुसऱ्या व चवथ्या ओळीत यमक जुळवलेल असते.पहिल्या ओळीच्या शेवटच्या शब्दाने, दुसऱ्या ओळी ची सुरुवात होते तसेच तिसऱ्या ओळीच्या शेवटच्या शब्दाने चवथ्या ओळीची सुरुवात होते.

   1) गुंतून गेलो (23/09/21)

हरवलेले ते शब्द

शब्द शोधत राहिलो

गवसले ते तुझ्यात

तुझ्यात गुंतुन गेलो

 2)वेडं मन (23/09/21)

आयुष्य वाहतय पुढे

पुढे वाहत जाईल मी

मन वळतयं हे मागे

मागे ना वळणार मी

 3)सखे (25/09/21)

हरवलेले ते शब्द शोधताना

शोधताना गवसलीस तू सखे

किणकिण करती तुझी काकण

काकण गूज तुझे सांगती सखे

  4) मोल (27/09/21)

आले गेले किती हे विचार

विचार ते आपल्या प्रेमाचे

अलिप्त राहून ते कळले

कळले मोल तव प्रमाचे

        5)अपराध भाव (28/09/21)

अवेळी मला सतावतील

सतावतील त्या आठवणी

प्रेम केले हा तो अपराध

अपराध भाव या जीवनी

    6)गणित भावनेचे(28/09/21)

काय कमवलं अन काय गमवलं

गमवलं तुला आता उरलंय काय

मांडून बसलेय  भावनेच गणित

गणित मांडून असे साधलंय काय

7) इच्छा (28/09/21)

कठीण असं काही नसतं

नसतं करायचं मनांत

सगळं होतं असता इच्छा

इच्छा फक्त पाहिजे मनांत

  8)खडे बोल (28/09/21)

कोणी असं म्हणत नाही

नाही बोलायचं तू काही

बोलल्यावर खडे बोल

बोल कुणी ऐकत नाही

 9) विरह (29/09/21)

विरह संपता संपेना

संपेना तुझा बहाणा

गडद झाली आहे रात्र

रात्र जीवघेणी सरेना

रजनी✍️

व्यवहार आणि भावना

काय मिळवलं अन काय गमवलं?

याची तुलना करू कशी?

मिळवल्याचा आनंद छोटा

पण गमावल्याची खंत आहे मोठी

मिळवल्याचा गुणाकार जमेना

अन गमावल्याचा भागाकार येईना

आयुष्याचा ताळेबंद हा काही केल्या उमजेना

गणिताचे नियम काही इथे लागू होईना

मांडताना वाटलं सोपं आहे सगळं

नेहमीची ती आकडेमोड त्यात काय वेगळं

पण व्यवहार आणि भावना यांचं गणित नाही जमलं

माहित नाही हे गणित मांडून मी नेमकं काय साधल?

रजनी✍️

25/09/21

हॉल आणि बेडरूम चे मनोगत

 आपल्या सर्वांना माहित आहे की, करोना महामारी येऊन आता खूप काळ लोटला आहे आणि आपण सर्व या न्यु नॉर्मल जगाला हळुहळु आत्मसात करित  आहोत.

        पहिल्या लाकडाऊनच्या वेळी मला " लॉकडाऊन मध्ये भांड्यांचे मनोगत" ही कविता सुचली होती त्याची लिंक मी खाली देत आहे नवीन वाचकांसाठी आणि आज , ह्या कवितेचा विषय सूचला व मी ही रचना केली. कवितेत सांगितल्या प्रमाणे खरचं माझ्या बेडरूमला ऑनलाईन  शाळेचे रुप आले आहे , सकाळ पासून दुपारपर्यंत मुलाचे classes असतात तर दुपारी  मुलीचे क्लासेस असतात. त्यामुळे आज हा विषय सूचला व ही रचना केली आहे . आशा करते ही रचना तुम्हांसर्वांना नक्की आवडेल☺️☺️🙏🙏
  
हॉल आणि बेडरुम
एकाच घरातले दोन भाग
हॉल चैतन्याचे प्रतीक तर
बेडरुममध्ये सापडे शांततेचा माग
हॉल असतो गजबजलेला
तर बेडरूम शांत पहुडलेला
पाहुण्यांचे स्वागत हॉलमध्ये होई
तरी बेडरुममध्ये निद्रादेवी चे आगमन होई
गप्पाटप्पा अन जेवणावळी टीव्हीच्या
साक्षीने हॉलमध्ये घडे
तर थकलेलं शरीर अन मन
जाऊन बेडरुममध्ये पहुडे
या अश्या दिनक्रमाला
दोघे होते सरावलेले
नव्हती कसली चिंता
मजेत दिवस चाललेले
.
.
.
.
.
.
अचानक करोनाचे आगमन झाले
दोघांचेही दिवस पालटले
पाहुण्यांचे आगमन कमी झाले
तर ऑनलाईन शाळा बेडरूममध्ये चाले
हॉल ने आपले चैतन्य गमावले
तर बेडरुमचे मात्र निवांतपण हरपले.
.
.
.
.
.
मनुष्यासोबत आता ही दोघे करती प्रार्थना
.
.
.
.
.
.
तुझ्या आगमनाने बाप्पा पुन्हा सुर होऊ दे पाहुण्यांचे येणेजाणे रंगू दे गप्पांची मैफिली, हास्य विनोद  आणि सुग्रास खाणेपिणे.
बेडरुमला ही थोडासा निवांतपणा मिळू दे
झोपण्याव्यतिरिक्त नसावे कुणाचे फारसे येणे जाणे..
.
.
.
.
...
.
.
बोला " गणपती बाप्पा मोरया"🙏🙏🙏

रजनी✍️©®
3/09/21

https://rajanibhagwat.blogspot.com/2020/07/blog-post_4.html

सार इथं आलबेल आहे

 

तिथे काय खळबळ आहे?
याचीच असते चिंता
सोडवायचं ठरवलं होतं
पण वाढतच गेला गुंता
तु असा का गेलास
काहीही न सांगता
चुकलंच रे माझं मीच भांडले
तुझ्याशी शहानिशा न करता
कुठे असशील ,कसा असशील
हेच विचार सतावतात
तू तर येत नाहीस
पण तुझ्या आठवणी येतात
डोळ्यांत प्राण आणून मी
तुझीच वाट पहात आहे
एक तुझी काळजी सोडली तर
सार इथं आलबेल आहे

रजनी✍️©®
17/09/21

ती ( कॉफी ) आणि तो ( चहा)

 

त्याला चहा आवडायचा
पण तिला मात्र कॉफी
कुठल्या हॉटेलमध्ये जावं
याची नेहमीच पंचाईत व्हायची
त्यानं अमृततुल्य निवडलं
तर तिला कॅफे कॉफी डे हवं असायच
थोडा वेळ एकत्र घालवावा म्हंटल तर
हे चहा कॉफीचं भांडण जुंपायच
कसली ती कडू कॉफी
का उगीच प्यायची त्यापेक्षा
चहा च बरा त्याची बडबड चालायची
त्याच्या अश्या बोलण्यावर
ती खूप चिडायची , न बोलता त्याच्याशी
तिथून निघून जायची
एका कपातून चहा प्यायचा
त्याची होती फॅन्टसी
तर चिंब भिजल्यावर एक कॉफी
आणि त्याची मिठी हीच तिची फॅन्टसी
.
.
.
.
.
.
.
.
.
.
.
.
फॅन्टसी मनातच राहीली
अन त्यांचं ब्रेकअप झालं
चहा कॉफीच भांडण असं
कॉफी मग आणि चहाच्या कपात विरलं
कॉफी आवडत नसली तरी
ती त्याला आवडायची
त्याच्या आठवणीत ती ही
चहाच्या कपासोबत रात्र जागवायची
.
.
.
.
.
.
.
.
त्याच्या मनांत मात्र तिची जागा अजूनही आहे
तिच्या आठवणी काढत कॉफीमुळे तो जागा आहे.

रजनी✍️©®
16/09/21

प्रेमभंग

 

मन वेडे खट्याळ आहे
जे तुझ्यातच रमते
तुझ्या एका कटाक्षासाठी👁️
दिवसरात्र झुरते
अबोल प्रेम हे माझे♥️
माझ्या नजरेतच दिसते👀
कळत असुनही तुला
मग का नच उमगते
कामाचे करुन  बहाणे
तुझे हे नजर चोरणे👀
पुरे कर आता स्वतःला
विश्वामित्र समजणे
बर नाही हं हे तुझं मला
टाळून दुसऱ्या मेनकेची वाट बघणे👰
हे असचं होत राहीलं तर अटळच आहे
आता माझा प्रेमभंग होणे😔😔💔💔

रजनी✍️©®
8/09/21

मुखवटे

 

नाती नव्याने कळावी
असे काहिसे झाले
आपलेपणाचे मुखवटे
क्षणार्धात गळून पडले
ज्यांना समजत होते माझे
तेच परके निघाले
ज्यांच्याकडून नव्हती अपेक्षा
त्यांनीच दुःख दिले
आपलेपणाचे घाव हे
मी मूकपणे सोसले
ज्यांना नव्हती किंमत
अश्यांसाठी होते अश्रु ढाळले
पुरे झाले आता
मी मनाशीच म्हणाले
खूप भावनिक असणे
हे ही नाही चांगले.......

रजनी✍️©®
9/09/21

शेरोळी-11 ते 20

                         शेरोळी -11( बेगाना)

अंतरी माझ्या कुठे

भाव ते पुन्हा उठे

इस कदर मूँह फेर के चले गये के |

बेगाने भी ना बने और अपना भी ना कह सके|

                     शेरोळी -12( गुमसुम दूरियाँ)

दुरावा हा अबोल आहे

भाव हा अनोखा आहे

अनोखे जज़बात का सैलाब ये आया है ।

 गुमसुम सी दूरियाँ भी साथ में लाया है। 

                   शेरोळी -13( मौका)

सारे इशारे भलतेच होते

 तुला काहीच कळले नव्हते

 एक इशारा क्या किया हमने , आपसे पीछा छुड़ाने का | 

आप ने समझा मौका मिल गया हमे छेड़ ने का | 

                   शेरोळी-14( दोस्ती)

भाव हे भलतेच होते

 शब्दावाचून कळते होते

 खामोशियाँ ने बयाँ किए दिल के जज़बात है |

 हम समझें दोस्ती पर उनके मन में प्यार है | 

                   शेरोळी-15( बिदा)

निरोप ही हळुवार असावा

हृदयावर हलका भार असावा

धीरे धीरे आप से बिदा हो रहे है |

दिल पे हल्का सा बोझ महसूस किये जा रहे है |

                    शेरोळी-16( समय)

ती वेळ परत यावी

 भीती कशाची नसावी

 काश वो हसीन समय फिर सें आये |

लेकिन आप सें बिछड़ने का डर हमें न साताऐ |

                    शेरोळी-17( टुटा दिल)

आता मला सांग काय करायचं ?

झालं गेलं कसं विसरायच?

बीती बाते कैसे भुलाऊँ |

कोई तो बताओ टुटा दिल लेके कहाँ जाऊँ |

                     शेरोळी-18( राज)

गूढ हे अंतरीचे

कसे उमजावे भाव मनीचे

उन लोगों के जज़बात समझना मुश्किल है जनाब |

जो दिल में गहरे राज छुपाए बैठे है।

                   शेरोळी -19( नजरे)

विसरुन जाशील का?

पुन्हा एकदा हसशील का?

हमे भुला के जाने वाले जरा इधर तो नजरें घुमाओ |

जाने सें पेहले जरा एक बार तो मुस्कुराओ |

                  शेरोळी-20 ( घाव)

अपुरा हा भाव आहे

मनात तोच घाव आहे

आधे अधुरेसे हम और हमारे जजबात है |

दिल में बसा अब वही एक घाव है।

रजनी✍️©®

अहम् अर्थात इगो

 

नात्याची वजाबाकी करायची
म्हणजे नेमकं काय करायचं
जवळच्या व्यक्तीच्या लिस्ट
मधलं एक नाव काढायच
प्रत्यक्षात न भेटता फक्त
आठवणीत रमायचं
आडून आडून त्याची
माहिती काढत रहायचं
लांबूनच त्याच्या यशात
आपण खुश व्हायचं अन
त्याला दुःख झालेल
पाहून आपण दुःखी व्हायच
कळतं असते सर्व पण
वळवून नाही घ्यायचं
किती ही मनांत आलं तरी
आपला हेका नाही सोडायचं
अचानक समोर आलेच
तर मान वळवून घ्यायचं
एवढुश्या त्या इगोला
उगीच गोंजारत बसायचं
अशा वेळी मित्रांनो मतभेद
तिथे सोडून देण्यात खरं सुख असतं
कितीही वजा करायच ठरवलं तरी
काहीतरी बाकी रहात असतं

रजनी✍️©®
6/09/21

शेरोळी 1-10

                          शेरोळी -1( घर की मूर्गी)

दूरवर जे काही आहे  

त्याची ओढ जवळ आहे 

बीबी चाहें कुछ कर लें 

घर की मूर्गी दाल बराबर है|😃😃😃

                          शेरोळी -2 ( चाँद)

तुझ्या चेहऱ्यावरचे भाव बदलतात 

मग आकाशातले रंग मावळतात 

फिर चांद की जगह हमें आप दिखाई देते है| 

आप को देखकर वो भी शरमा के बादलों में छुप जाता है। 

                             शेरोळी -3( परिवार)

सारे हे डाव घडीचे 

ध्यानी असावे जवळचे 

हर सपना साकार है। 

जब परिवार साथ है।

          

                           शेरोळी-4 ( इज्जत)

तुला असं काय द्यावं 

 मनात कायमच कसं रहावं 

कुछ नही बस थोडीसी इज्जत चाहते है आपके नजर में| 

वैसे भी आप ही का तो बसेरा है इस दिल में|

                             शेरोळी-5 ( प्यार)

उनाड असं कधीतरी वाटावं 

मनातल न सांगता कळावं 

बोल ने के बाद तो हर कोई समझ जाता है| 

पर बिना बोले जो समझे प्यार उस पर ही आता है|

                         शेरोळी-6 ( वक्त)

आठवणीत ही न राहता 

ती वेळ ही गेली आता 

वक्त ने क्यों ऐसी घडी दिखाई | 

ना तुम ना तुम्हारी यांदे हात आई 

                         शेरोळी-7 ( बेगाने)

समजून घ्याया गेलो होतो 

कुढत असा राहिलो होतो 

जिन्हे अपना मान के समझने चले थे | 

उनके लिए हम आज भी बेगाने थे | 

                       शेरोळी -8 ( गम )

कसं रे असं जमतं

 वेदनेत हास्य फुलतं 

यादों मे तेरी जीये जा रहे है | 

गम छुपा के अब हम मुस्कुरा रहे है | 

                          शेरोळी-9 ( ख्याब )

राहू दे त्या छान कल्पना

 नको रे आता त्या वलग्ना 

जो ख्याब तुमने दिखाया सनम माना बहुत हसीन था ।

 हमें लगा छोटासा आशियाना , पर वो तो बातों का महल था|

                            शेरोळी-10 ( प्यार)

त्यावेळी सारं माझ्याकडे होतं 

मात्र स्वतःकडे लक्ष  नव्हतं

 तुम्हारे प्यार में इस कदर खो गये | 

की जमाने को ही नही खुद को भी भूल गये |

रजनी✍️©®

1/09/21