नऊ महिने नऊ दिवस
बीज उदरात जपले
वेळ भरताच परी
कळी होऊन अंकुरले
त्या कळीच्या आगमनाने
अंगण माझे फुलले
त्या गोंडस बाललीलांनी
घरदार अवघे दुमदुमले
बोबडे बोल मग ते घुमले
ऐकुन माझे कान सुखावले
लुटुपुटीची भातुकली
बाहुलीचे लग्न , अन सागरगोटी
नीत नवीन खेळ खेळुनि
बाहुली माझी होई मोठी
क्षणार्धात लोटला केवढा काळ
वरपरिक्षेची ती आली वेळ
घटका भरताच नववधू झाली
बाहुली माझी बोहल्यावर चढली
भावविभोर हे दृश्य असे
स्वप्नवत वाटे मजला सारे
पाठवणी करता आज आठवे
बाहुलीचे माझ्या गोंडस रुपडे
रजनी✍️
No comments:
Post a Comment