का हा अट्टाहास
का हा अट्टाहास
तुझीच होऊन रहाण्याचा
तुझ्या सोबत नसतानाही
तुझ्या मध्ये असण्याचा
का हा अट्टाहास
का हा अट्टाहास
मला विसरण्याचा
व्यर्थ प्रयत्न तो
श्वासाविना जगण्याचा
का हा अट्टाहास
का हा अट्टाहास
तिला गर्भातच मारण्याचा
पर्याय आहे का तुझ्याकडे दूसरा
तुझा वंश वाढवण्याचा
का हा अट्टाहास
तिला गृहीत धरण्याचा
ती ही एक माणूस आहे
हे सोयीस्कर पणे विसरण्याचा
का हा अट्टाहास
तिच्या भावना दडपण्याचा
हिम्मत आहे का तुझ्यात
त्यांचा उद्रेक थोपवण्याचा
का हा अट्टाहास
तिला कमी लेखण्याचा
कुठले क्षेत्र उरले सांग
तिने तिच्या कक्षा रुंदावण्याच्या
रजनी✍️
No comments:
Post a Comment