पूर्णवेळ गृहिणी

 

गृहीणीचं घर ही तिची
पहिली नोकरी असते
अविरत असेल ती ही त्यात
याची सर्वांना खात्री असते

आपल्या कुटुंबाच सुख
यातच ती सुखी असते
सिक लिव्ह, कॅज्युअल लिव्ह
जणू तिच्यासाठी नसते

नोकरीत या नसते
वेळ केलेली फिक्स
अन बहुतेक वेळा
तर नसतो हाती मदतनीस

परफॉरमन्स इंम्परुव्हमेटची
असते नेहमीच अपेक्षा
पण परफॉरमन्स अप्रेजलच्या
वेळी नेहमीच होते उपेक्षा

तरीही या नोकरीत
ती मनांपासून रमते
अन पगाराची मात्र
तिला कधीच अपेक्षा नसते

तिचा पगार आणि बोनस असतो
घरच्यांची माया आणि प्रेम
मग मिळेना का तिला या
नोकरीत बढती आणि फेम

रजनी✍️