आणि, मनाचा ताबा सुटला

 

काय सांगू मंडळी
माझ्या वजनाची व्यथा
लिहावयास घ्याल तर
होईल एक कथा

अन्न हे पूर्णब्रम्ह
हीच मिळाली शिकवण
मग जे मिळेल ते खाऊ
हेच ठरवले मिशन

आवडी निवडीची
नव्हती काळजी
पोटही होतं माझं
सोशिक भारी

आंबट-गोड,खारट-तुरट
तिखट नि चमचमीत
चवी चवीने खाऊन
झाले मी टूमटूमीत

रुचकर पदार्थ सेवून मी
द्यायचे तृप्तीचा ढेकर
अन वाढता वाढता वाढू
लागले पोट आणि कंबर

वाढत्या वजनाने माझ्या
पार केली कमाल मर्यादा
आप्तस्वकीयांनीही दिले
मग सल्ले शंभरदा

जड मनाने आणि शरीराने
जॉईन केली व्यायामशाळा
डायट चार्ट बनवून पाळू
लागले खाण्याच्या वेळा

त्या दिवशी व्यायामशाळेत जाताना
तो माझ्या नजरेस पडला
.
.
.
.
.
.
.
.
अन काय सांगू मंडळी
माझ्या मनाचा ताबा सुटला.
..
..
..
..ओळखा पाहू तो कोण
.
.
.
.
.बाहेरून कुरकुरीत आत टम्म फुगलेला
माझा आवडता समोसा😁😁😁🤣🤣

रजनी✍️