विचारांच वादळं उमटलं
अन प्रश्नाचं काहूर उठलं
अस काय पातक घडलं
म्हणून मला या दोघीत अडकवलं
एकीचा मी बाळं भोळा
तिच्या पोटी जन्मलेला
अन दुसरीचा सौभाग्यटीळा
सात जन्म लाभलेला
आईचा हात धरून
या जगी आलो
बायकोसोबत सप्तपदी चालून
संसारी पुरुष झालो
एकीला वाटे मी
असावे तिच्या ताब्यात
दुसरी म्हणे तो राहील
फक्त माझ्याच कह्यात
दोघींना वाटे मी राहावे
त्यांच्या पदराला धरून
पण मला तर वाटे
जावे दूरवर उडून
प्रश्नांचे काहूर हे
पुन्हा पुन्हा उठतयं
सांगा तुम्हांला तरी
यावर काही उत्तर सापडतयं
रजनी✍️
No comments:
Post a Comment