बसच्या रांगेत तू नेहमी पुढे उभा असायचा
कडक इस्त्रीचे कपडे डोळ्यांवर गॉगल
अगदी चित्रपटातल्या हिरोसारखा दिसायचा
कपाळावर रुळणाऱ्या केसांच्या बटा
हलकेच मान हलवून मागे सारायचा
माझा कलेजा मात्र तिथेच खलास व्हायचा
बसच्या दिशेने पाहण्यासाठी तू हलकेच पुढे झुकायचा
मला वाटायचं गॉगलच्या आतून तू फक्त मलाच पहायचा
ओळखीचे स्मित मग माझा चेहरा दाखवायचा
ऐक दिवशी अचानक माझ्या नशिबाचा दरवाजा उघडला
रांगेमध्ये अगदी तुझ्या मागेच नंबर मिळाला
अंतरावरच्या तुझ्या सोबतीनेही अंग माझे मोहरले
अन अत्तराच्या सुगंधाने तुझ्या मन माझे सुखावले
नेहमीप्रमाणं बसच्या दिशेने तू पुढे झुकला
अन पर्स च्या धक्क्याने माझ्या तुझा गॉगल खाली पडला
नेत्र कटाक्षाने तुझ्या मी कपाळावर हात मारला
कारण
.
.
.
.
.
.
.
.
त्यादिवशी समजले माझा रॉंग नंबर लागला.
रजनी✍️
No comments:
Post a Comment