आता किती वेळा सांगायचं
सांग तुला कधी कळायचं
दरवेळी नको असते सोन्याची माळ
पण कधीतरी हौसेने तिच्या केसांत मोगरा तर माळ
आता किती वेळा सांगायचं
सांग तुला कधी कळायचं
गिफ्ट म्हणून देऊ नको चंद्र आणि तारा
पण कधीतरी आवरशील का घरातला पसारा
आता किती वेळा सांगायचं
सांग तुला कधी कळायचं
तुझ्या रूटीनसाठी तिने घड्याळाअगोदर धावायचं
पण तिच्यासाठी मात्र तू पळभर न थांबायचं
आता किती वेळा सांगायचं
सांग तुला कधी कळायचं
तुझ्या मूडसाठी तीने सतत दक्ष रहायचं
पण तू मात्र तिच्या मूडस्विंग कडे दूर्लक्ष करायचं
आता किती वेळा सांगायचं
सांग तुला कधी कळायचं
बायको म्हणून गृहित न धरणं
हे तुला कधी जमायचं
रजनी✍️
No comments:
Post a Comment