जादूचा दिवा

 

जादूच्या कथा लहानपणी खूप आवडायच्या
आटपाट नगर ,जादुई परी  मन माझ रिझवायच्या

जादूच्या कथेची होती बातच न्यारी
जादुई मंत्र उच्चारताच हजर असे परी

जादूची छडी अन् जादूचा दिवा,कथेमध्ये असायचा
दिवा घासू लागताच राक्षस प्रकट व्हायचा

सतत सोबत राहून "क्या हुकुम है मेरे आका म्हणायचा"
छोटी मोठी कामे आपली चुटकीसरशी करायचा

लहानपण सरल मागे वय आता वाढलं
जादुई दुनियेचे वेड मग हळूच मागे पडलं

तरीही वाटते मिळावा कथेतला जादुई दिवा
घासताना त्यातून  मात्र राक्षस यायला हवा

दिव्यातला राक्षस  म्हणेल,"क्या हुकुम है मेरे अाका"
मी म्हणेल, तुला कसं राक्षस म्हणू तू नाहीस रे क्रूर इतका

न्यायदेवता आमची आंधळी अन् राजकारणी भाजतात त्यांचीच पोळी
वासनेच्या या अग्निकुंडत ,इथल्या मुलींची होतेय होळी

"बा राक्षसा तू  आता एकच काम कर ,मानवाच्या रुपात वावरणाऱ्या प्रत्येक नराधमाच्या  खांडोळ्या खांडोळ्या कर."😠😠